Pahimakas ng isang Indibidwal

Ikaw
ang aking ego.
Bakal na nakatutok
sa aking sintido, isang putok—

Mag-iisip:

Lilipad ang aking utak.
Lalamunin ng dilim ang isipan.
Oras, pagkakataon, at kasaysayan—

Blanko.

Nakatingala sa langit, nakangisi.
Pamagat: Ang “Purpose Driven Life”
at ang aking buhay na walang katiyakan.
Sa dilim,
Huhubaran ko ang Diyos.
Magniniig kami hanggang mapagod
Ang mga anghel sa eternidad;
At kung ako’y malapit na sa kasukdulan
Ibabalik ko ang nakaraan—

Bang.

Nananatiling hawak ang gatilyo.